ನಗುತ ನಗಿಸುತಿರು

ನನ್ನೊಳಗಿರುವ ನೋವುಗಳನ್ನು ಹೇಳಿಕೊಳ್ಳಬೇಕ 
ಅಥವಾ ಹೇಳದೇ ಉಳಿಸಿಕೊಳ್ಳಬೇಕ 
ಹೇಳಿದರೇನಾಗಬಹುದು 
ಹೇಳದಿದ್ದರೇನಾಗಬಹುದು 
ಉತ್ತರಗಳ ನಾನರಿಯೆ 
ಈ ಯೋಚನೆಯು ಸರಿಯೇ 

ಹೇಗೆ ಹಂಚಿಕೊಳ್ಳಲಿ ಆ ನೋವುಗಳನ್ನು 
ಹೇಗೆ ಸಾರಲಿ ನಾ ಅವರೊಡನೆ  ದ್ವೇಷವನ್ನು 
ಹೇಗೆ ಮರೆಯಲಿ ಆ ಸುಂದರ ದಿನಗಳನ್ನು 
ಹೇಗೆ ಅಡಗಿಸಲಿ ನನ್ನೊಳಗಿರುವ ಮಗುವನ್ನು 

ನೋವಿಗಿಂತ ನಲಿವೇ ಬಲು ಚಂದ 
ನಲಿವಿನಿಂದ ಅರಳಿತು ಎಲ್ಲರ ಮೊಗದ ಅಂದ 
ನನ್ನೊಳಗೆ ಕಂಡೆ ಒಂದು ಪುಟ್ಟ ಕಂದ 
ನನ್ನ ನೋಡಿ ಹೀಗೆ ನಗುತ ನಗಿಸುತಿರು ಎಂದವನೆಂದ!!